card

НИЙГМИЙН ХАРИУЦЛАГА

20 жилийн туршлагатай, найдвартай хамт олон танд үйлчлэхэд бэлэн байна.

Компанийн нийгмийн хариуцлагын хүрээнд 26.8 сая төгрөг, бусдыг хөгжүүлэх, бусдын сайн сайхны төлөө 16.5 сая төгрөгийн хандив тусламж өгөөд байна. Энэ чиглэлээр хийсэн зарим ажлуудаасаа дурдвал...

Нийтийн эзэмшлийн талбайд үерийн ус зайлуулах 70 метр далан, шуудуу, авто машины стандарт зогсоол, 180м сайжруулсан шороон зам, бохир, цэвэр, дулааны худгуудыг стандартын дагуу засварласан, хог ангилан ялгах цэгийг байгуулсан зэрэг бүтээн байгуулалтуудыг хийж нийтдээ 26 сая 750 мянган төгрөгийн хөрөнгө зарцуулсан.

Өмнөговь аймагт Бадминтоны спортыг хөгжүүлэхэд анхаарч 2018 оны 5-р сард улсын аварга шалгаруулах тэмцээнд 4 тамирчинг 495,000 төгрөгөөр ивээн тэтгэж оролцуулсан. Уг тэмцээнд оролцогчид шигшээ тавд шалгарсан амжилттай ирсэн.

Өмнөговь аймагт анх удаа бадминтоны сонирхогчдын аймгийн аварга шалгаруулах тэмцээнийг зохион байгуулахад 1,3 сая төгрөгөөр тусламж үзүүлэн дэмжиж, Улаанбаатар хотоос шилдэг тамирчдийг ирүүлж туршлага солилцуулсан.

Бүжгийн спортын улсын аварга шалгаруулах “MAGIC DANCE OPEN-2018” тэмцээнийг Өмнөговьт зохион байгуулахад нь 1,134,000 төгрөгөөр ивээн тэтгэсэн.

“Баяр бахдлаа хуваалцая” ТББ-аас зохион байгуулсан “Хүүхэд бүр инээж байг” говь нутгийн анхны аялалыг 400,000 төгрөгөөр ивээн тэтгэсэн.

Хүрмэн сумын ЕБСургууль дээр болсон баруун бүсийн спорт урлагийн наадамд зориулан 260,000 төгрөгөөр ивээн тэтгэсэн.

Даланзадгад сумын Гуравдугаар сургуулийн багш нарыг Улан-Үд рүү туршлага солилцоход нь зориулан 432,000 төгрөгөөр санхүүжүүлсэн.

Авто спортын тамирчин Нямааг уралдааны бэлтгэл хангахад болон уралдаанд оролцоход нь зориулан 1,900,000 мянган төгрөгөөр санхүүжүүлсэн.

Аймгийн харцага, Номгон сумын харъяат Адъяахүүг бэлтгэл хийхэд зориулан 400,000 мянган төрөг шийдвэрлэж өгсөн.

Шатарын спортын тамирчин Б.Халиуныг 2-р сард Улаанбаатар хотод болсон тэмцээнд оролцоход нь 450,000 төгрөгөөр ивээн тэтгэж, тамирчин маань спортын дэд мастерийн болзол хангасан. Улмаар 9-р сард болсон тэмцээнд оролцоход нь 150,000 төгрөгөөр ивээн тэтгэсэн.

Австрал улсад болсон сагсан бөмбөгийн тэмцээнд оролцох Өмнөговь аймгийн тамирчдаа 500,000 төгрөгөөр ивээн тэтгэсэн.

Улсын начин Ш.Дарханбатад нэг сая төгрөгийг шийдвэрлэж өгснөөс гадна төрийн болон байгууллагуудын зохион байгуулж буй арга хэмжээнүүдийг өөрийн нэрийн бүтээгдэхүүнээр ивээн тэтгэж хамтран ажилласан байдаг билээ. Нийгмийн хариуцлагынхаа хүрээнд зөвхөн хандив тусламжид 2018 онд 15 сая төгрөг зарцуулахаар төлөвлөсөн хэдий ч нийтдээ 43,250,000 төгрөгийн зардал гарсан байна.